ചിറ്റാർ
ഗ്രാമ പഞ്ചായത്ത്

പത്തനംതിട്ട ജില്ലയിലെ റാന്നി താലൂക്കില്‍ റാന്നി ബ്ളോക്ക് പരിധിയില്‍ വരുന്ന ഗ്രാമപഞ്ചായത്താണ് ചിറ്റാര്‍ ഗ്രാമപഞ്ചായത്ത്. 25.9 ചതുരശ്ര കിലോമീറ്റര്‍ വിസ്തൃതിയുള്ള പഞ്ചായത്തിന്റെ വാര്‍ഡുകളുടെ എണ്ണം 14 ആണ്. പഞ്ചായത്തിന്റെ അതിരുകള്‍ വടക്ക്-റാന്നി-പെരുനാട് പഞ്ചായത്തുകളും, കിഴക്ക്-സീതത്തോട് പഞ്ചായത്തും, തെക്ക്-തണ്ണിത്തോട് പഞ്ചായത്തും പടിഞ്ഞാറ്-വടശ്ശേരിക്കര ഗ്രാമപഞ്ചായത്തുമാണ്. വടശ്ശേരിക്കര, സീതത്തോട് പഞ്ചായത്തുകള്‍ വിഭജിച്ച് 30-9-1970 ആണ് ചിറ്റാര്‍ പഞ്ചായത്ത് രൂപീകരിച്ചത്. പഞ്ചായത്തിന്റെ ആദ്യത്തെ പ്രസിഡന്റ് വി.എസ്.നാണു ആയിരുന്നു. ബി.സി. മൂന്നാം നൂറ്റാണ്ടു മുതല്‍ എ.ഡി. 13-ാം നൂറ്റാണ്ടിന്റെ മധ്യകാലഘട്ടംവരെ നിലനിന്നിരുന്ന നിലയ്ക്കല്‍ പട്ടണത്തിന്റെ പ്രാന്തപ്രദേശമായിരുന്നു ചിറ്റാര്‍. ചിറ്റാര്‍ പഞ്ചായത്തിന്റെ ആകെ വിസ്തീര്‍ണ്ണത്തിന്റെ മുക്കാല്‍ ഭാഗവും ഉയര്‍ന്ന കുന്നിന്‍പ്രദേശങ്ങളും കുത്തനെയുള്ള ചരിവുപ്രദേശങ്ങളുമാണ്. ആകെയുള്ള വിസ്ത്യതിയുടെ 56% റബ്ബര്‍ കൃഷിയാണ്. തെങ്ങ്, കുരുമുളക്, വാഴ, മരച്ചീനി, കശുമാവ് എന്നിവയാണ് മറ്റു പ്രധാന വിളകള്‍. കരിമണ്ണ്, വനമണ്ണ്, ചുവന്നമണ്ണ്, പശിമരാശി മണ്ണ് എന്നിവയാണ്...